.jpg)
"Zirə"də şok ayrılıq yaşanıb.
Ölkəmizi Konfrans Liqasında təmsil edəcək Bakı klubun lideri Salifu Suma Azərbaycanı tərk edib.
Buna səbəb ölkə xaricindən aldığı təkliflər olub.
Sumanın xidmətində Rusiya, Türkiyə, Ukrayna klublarının maraqlı olduğunu həftələr öncədən yazmışdıq.
21 yaşlı gənc artıq öz seçimini də edib.
Onun karyerasını Kiyev "Dinamo"sunda davam etdirəcəyi böyük ölçüdə dəqiqləşib.
Ukrayna nəhəngi bu ilin yanvar ayında "Zirə"yə rəsmi təklif göndərmişdi.
Klublar yarımmüdafiəçinin keçidi üçün bütün detallarda razılıq əldə edib.
Suma 2023-cü ildən "qartallar"ın şərəfini qoruyur.
O, "Zirə" formasında meydana çıxdığı 82 görüşdə 18 qol, 11 məhsuldar ötürmə ilə yadda qalıb.
SPORTİNFO.AZ
