“Mən hər bir komandanın Premyer Liqaya gəlişinə sevinirəm“.
Bu sözləri Sportinfo.az-a açıqlamasında “Zirə“nin kapitanı Qismət Alıyev deyib.
Müdafiəçi yetirməsi olduğu, Premyer Liqada debüt etdiyi “Qəbələ“nin elitaya dönüşünə ən çox sevinənlərdən biri olduğunu bildirib:
“İstər “Qəbələ” olsun, istər “Karvan”, istərsə də “İmişli” - bu bölgələrin hamısında həmişə futbol olub.
Düşünürəm ki, gəlişləri ilə çempionata rəng qatacaqlar. İçi “Qəbələ” qarışıq, hər birinə uğur arzulayıram.
Fikirləşirəm ki, gələn çempionat çox maraqlı keçəcək“.
