“Yaxşı oyun oldu, hər iki komandanı buna görə təbrik edirəm”.
Sportinfo.az xəbər verir ki, bu sözləri “Zirə”nin baş məşqçisi Rəşad Sadıqov bu gün “Sabah”a qarşı Premyer Liqanın 35-ci turunun ev oyunu (1:1) haqda bildirib.
Onun dediyinə görə, turnir cədvəlində bütün vəzifələrini artıq yerinə yetirmələrinə baxmayaraq, hər oyuna maksimum nəticə üçün çıxırlar.
“Amma hazırda nəticədən çox oyunun özü bizi maraqlandırır” - deyə Sadıqov vurğulayıb.
O qeyd edib ki, ikinci hissədə komandasından gözlədiyi oyunu görüb:
“Bəli, rəqibin təhlükəli epizodları oldu, amma biz intizamı qoruyaraq diqqətıi oyun sərgilədik”.
