«Zirə»nin Brahim Konate ilə bağladığı müqavilənin müddəti bəlli olub.
Premyer Liqanın gümüş medalçısı «Şamaxı»dan ayrılan yarımmüdafiəçi ilə 2 illik kontrakt imzalayıb
Azərbaycanda keçirdiyi debüt mövsümündə 9 qol vuran fransalı legionerə «Neftçi» də dəvət göndərmişdi. «Ağ-qaralar» ona illik 150 min dollar təklif etmişdi.
Fəqət, Konate bundan daha şərtlərlə «Zirə»nin yolunu tutub. Niyə? Qəsəbə təmsilçisinin avrokuboklarda iştirakı fransızın seçiminə birbaşa təsir göstərib.
1996-cı il təvəllüdlü mərkəz yarımmüdafiəçisi son olaraq İsraildə çıxış edib. O, «Hapoel Afula»nın formasını geyinib.
28 yaşlı fransız yerli “Oser”in yetirməsidir. Fransanın U-20 millisində 6 matç keçirib. Ölkəsində “Kamois Niortays”sın da şərəfini qoruyub.
Daha sonra İspaniyada “Fuenlabrada” və “Rayo Majadahonda”nın uğurları üçün tər töküb.
2023-cü ilin əvvəlində Litvada “Kauno Jalqris”a üz tutub, 6 ay sonra isə İsrailə yollanıb.
SPORTİNFO.AZ
