Qadın voleybolçulardan ibarət Azərbaycan millisi Bakıda təşkil olunan Avropa çempionatının C qrupunda bu gün sonuncu oyununa çıxıb.
Sportinfo.az xəbər verir ki, Faiq Qarayevin baş məşqçisi olduğu komanda Niderlandla üz-üzə gəlib.
Milli Gimnastika Arenasında keçirilən qarşılaşma Niderland yığmasının 3:1 hesablı qələbəsi ilə bitib.
Qrupun digər görüşündə Rumıniya İspaniyanı 3:0 hesabı ilə məğlub edib.
Beləliklə, Azərbaycan millisi C qrupunu 8 xalla 3-cü pillədə başa vurub və 1/8 finala adlayıb. Belçika yığması 1-ci (13), Niderland ikinci (12), Rumniya 4-cü (6), Portuqaliya 5-ci (5), İspaniya 6-cı (1) yeri tutub.
