Kişi voleybolçular arasında Azərbaycan Yüksək Liqasında növbəti oyun təşkil olunub.
Sportinfo.az xəbər verir ki, günün yeganə oyununda “Exspress” “Sərhədçi”ni sınağa çəkib.
“Murov” klubunun idman zalında II tur çərçivəsində baş tutan qarşılaşma nominal ev sahiblərinin qələbəsi ilə başa çatıb. İlk setdə 25:21 hesabı ilə qalib gələn “Ekspress” növbəti hissədə rəqibini çətinliklə məğlub edib – 27:25.
Üçüncü set də gərgin mübarizə şəraitində keçib. Lakin 23:25 hesabı ilə uduzan “Sərhədçi” məğlubiyyətdən xilas ola bilməyib. “Ekspress” çempionata 3:0 hesablı qələbə ilə başlayıb.
“Exspress” – “Sərhədçi” 3:0 ( 25:21, 27:25, 25:23)
Mövsümdə hələlik bir görüş keçirilib. Həmin oyunda MOİK “Neftçi”yə 3:1 (25:19, 26:28, 25:23, 25:16) hesabı ilə qalib gəlib.