“Fənərbağça" çox böyük klubdu. Bu ailənin, bu cameənin üzvü olduğum üçün çox xoşbəxt və həyəcanlıyam. Uğurla çıxış etmək və kuboklar qazanmaq üçün nə lazımdırsa, edəcəm” - Sportinfo.az xəbər verir ki, bunu Türkiyə nəhəngi ilə 1 illik müqavilə bağlayan millimizin voleybolçusu Polina Rəhimova klubun saytına deyib.
27 yaşlı oyunçu daha yaxşı səviyəyə çatmaq üçün səylə çalışacağını bildirib. O, "Fənərbağça"nın ən yaxşı komanda olduğunu vurğulayıb: "Komanda ilə birgə daha yüksək səviyyələrə çatmaq üçün çalışacağam. İnanıram ki, kollektiv səylər nəticəsində yeni-yeni kuboklar qazanacağıq".
.jpg)
