"Ukrayna ilə görüşə yaxşı köklənmişdik. Ona görə rəqibə oynamağa imkan vermədik. Bu gün ötürmələrimiz də yaxşı alındı" - Sportinfo.az xəbər verir ki, bunu qadın millimizin liberosu Valeriya Məmmədova deyib.
DÇ-2018-in seçmə ələməsində "E" qrupunun 2-ci oyununda voleybol millimiz Ukraynaya 3:0 hesabı ilə qalib gəlib. Valeriyanın fikrincə, komanda yoldaşları 3-cü zonada qəbulda əla təsir bağışlayıb və tapşırığın öhdəsindən layiqincə gəlib:
"İndi topu qəbul etmədə 4 eyni səviyyəli oyunçumuz var. Düşünürəm ki, güclü komandaya malikik və bu qrupuda əsas rəqibimiz olan Hollandiyaya ciddi müqavimət göstərib, yekunda dünya çempionatına birbaşa vəsiqə qazanacağıq".
.jpg)
