.jpg)
“Real”ın qapıçısı Andrey Lunin yay transfer pəncərəsi bağlanmazdan əvvəl klubdan ayrıla bilər.
Ukraynalı qolkiper hazırda Tibo Kurtuanın əsas əvəzləyicisi kimi çıxış edir.
Sportinfo.az xarici KİV-ə istinadən xəbər verir ki, 25 yaşlı futbolçuya “Fənərbaxça” maraq göstərir.
Türkiyə klubu yayda qapıçı mövqeyini gücləndirmək niyyətindədir və Lunin namizədlərdən biri kimi nəzərdən keçirilir.
“Real”ın onu satmaq planı olmasa da, müqaviləsində 25 milyon avroluq sərbəstqalma bəndi mövcuddur.
Lunin 2024/25 mövsümündə “kral klubu”nun heyətində 14 oyuna çıxıb, 19 top buraxıb və 6 matçda qapısını toxunulmaz saxlayıb.
