“Mançester Yunayted”in hücumçusu üçün təklif göndərəcək - “Fənərbaxça”

24 Noyabr 2023 18:20 Türkiyə 310
“Mançester Yunayted”in hücumçusu üçün təklif göndərəcək - “Fənərbaxça”

“Fənərbaxça” qış transfer pəncərəsi zamanı hücum xəttini yeni oyunçu ilə gücləndirməyi planlaşdırır.

Sportinfo.az xəbər verir ki, İstanbul təmsilçisi “Mançester Yunayted”də çıxış edən Antoni Marsialla yaxından maraqlanır.

“Fənərbaxça” gələn həftə Çempionlar Liqasının “Qalatasaray”la matçı üçün İstanbula gələcək “Mançester Yunayted” rəhbərliyi ilə görüşəcək və 27 yaşlı forvard üçün rəsmi təklif göndərəcək.

Marsial özü də “Mançester Yunayted”dən ayrılmağa isti yanaşır. Fransa millisinin üzvü AÇ-2024 öncəsi daha çox forma şansı qazanacağı kluba keçmək və yenidən milliyə qayıtmaq istəyir.

“Mançester Yunayted” Antoni Marsialı 2015-ci ilin yayında “Monako”dan transfer edib.

Ön xətt oyunçusu cari mövsümdə “qırmızı şeytanlar”ın heyətində meydana çıxdığı 15 rəsmi matçda 1 qol və 1 məhsuldar ötürmə ilə yadda qalıb.

Digər Xəbərlər
Xəbər Lenti
24 Fevral 21:40 Arda “Real”da qalacaq
24 Fevral 20:30 Laçından GÖZƏL VİDEO
24 Fevral 19:30 Çək və bizə göndər!
24 Fevral 16:40 Nəhayət, o, getdi…