«Turan Tovuz» yeni qapıçı transferini xəbərləmək ərəfəsindədir.
Qərb klubu Səlahət Ağayevlə yenidən danışıqlara başlayıb və görüşmələr artıq son mərhələyə daxil olub.
Millinin kiperi qarşı tərəfin əsas müqavilə şərtləri ilə razılaşıb. Bir-iki xırda detal qalıb, ona da «okey» versə, 1+1 illik anlaşma rəsmiyyət qazanacaq.
Tovuz klubu iyunun əvvəlində Aydın Bayramov və Tərlan Əhmədli ilə vidalaşmalı olub. Kurban Berdiyev onların yerinə rusiyadan İvan Konovalov və Sergey Samoku dəvət edib.
Yeni baş məşqçi Səlahəti hələ ötən ay sərəncamında görmək istəyirdi. Lakin Ağayev həmin vaxt «Neftçi»yə qayıtmağa razılıq vermişdi.
Hətta o, «ağ-qaralar»ın tərkibində Türkiyə toplanışına yollanmışdı. Lakin bakılı fanatların ona yönəlik təzyiqindən sonra 2 illik müqaviləyə xitam vermək məcburiyyətində qalıb.
SPORTİNFO.AZ
.png)