Azərbaycan "Tokio-2020" Yay Paralimpiya Oyunlarına dördüncü, güllə atıcılığı üzrə ikinci lisenziyanı qazanıb. Sportinfo.az xəbər verir ki, vəsiqəni Avstraliyanın Sidney şəhərində keçirilən dünya çempionatında Kamran Zeynalov təmin edib.
O, 50 metr məsafəyə güllə atıcılığında göstərdiyi nəticəyə görə ilk 15 idmançı arasında yer alıb və bununla Paralimpiadada iştirak hüququna yiyələnib. Zeynalovdan başqa, daha əvvəl güllə atıcılığında təmsilçilərimizdən Yelena Taranova da lisenziya qazanmışdı. Həmçinin Elşən Hüseynov (parapauerliftinq) və Roman Saleh (paraüzgüçülük) Azərbaycanı XVI Yay Paralimpiya Oyunlarında təmsil edəcəklər.
