Xəbər verdiyimiz kimi, AFFA İntizam Komitəsi "Sumqayıt"ın baş məşqçisi Samir Abasovu cəzalandırıb.
Təcrübəli çalışdırıcı "Zirə"yə qarşı Premyer Liqanın 6-cı turunun matçında hakimi təhqir etdiyinə görə birbaşa qırmızı vərəqə aldığı üçün 2 oyun şərti olmaqla 5 oyun cəzalanıb.
“Sumqayıt” 4000 manat cərimə edilib. Sınaq müddəti 3 ay təyin edilib.
Klub İK-nın sərt qərarı ilə razılaşmaq fikrində deyil.
Belə ki, narazı tərəf qərardan apellyasiya şikayəti verməyi düşünür.
Ən azı ağır cəzanın nisbətən yüngülləşdirilməsi üçün.
XANOĞLAN / SPORTİNFO.AZ
