“Səbail” ciddi itki ilə üzləşib.
I Liqanın çempionluğu hədəf seçən komandası Nicat Süleymanovu itirib.
Son illər Premyer Liqadakı çıxışları ilə tanınan 27 yaşlı orta xətt oyunçusu məşqdə zədələnib.
MRT müayinəsindən sonra Nicatın mövsümü vaxtından əvvəl başa vurması məlum olub.
Sol ayağının çarpaz bağları qopan futbolçu əməliyyat olunacaq. Bu isə, Süleymanovun təxminən 5-6 ay yaşıl meydanlardan uzaq qalmasına səbəb olacaq.
Vaxtilə elitada “Zirə”, “Kəpəz”, “Araz-Naxçıvan” kimi komandaların şərəfini qorumuş yarımmüdafiəçi yayda “Səbail”lə müqavilə bağlamışdı.
HƏBİB / SPORTİNFO.AZ
