Şəhriyar Məmmədyarovla Teymur Rəcəbov "10-luq"da

1 Fevral 21:06 Şahmat 275
Şəhriyar Məmmədyarovla Teymur Rəcəbov "10-luq"da

Beynəlxalq Şahmat Federasiyası (FIDE) fevral ayı üçün reytinq siyahısını açıqlayıb.

Sportinfo.az xəbər verir ki, qrossmeysterlərimiz Şəhriyar Məmmədyarov (2770) və Teymur Rəcəbov (2765 xal) siyahıda ilk onluqda yer alıblar.

Ş.Məmmədyarov siyahıda səkkizinci, T. Rəcəbov (2765) isə onuncudur. Komandamızın digər üzvlərindən Nicat Abbasov (2670 xal) 67-ci, Qədir Hüseynov (2666) 72-ci sırada qərarlaşıblar.

Kişi şahmatçılar arasında reytinq siyahısına hazırkı dünya çempionu norveçli Maqnus Karlsen (2862) liderlik edir. Sonrakı yerləri amerikalı Fabiano Karuana (2842 xal), çinli Liren Dinq (2805 xal) bölüşürlər.

Qadın şahmatçılar arasında isə Günay Məmmədzadə (2455) 28-ci, Gülnar Məmmədova (2386) 75-ci, Ülviyyə Fətəliyeva (2377) 86-cı yerdədirlər. Çinli idmançılar Hou Yifan (2664 xal), Vencun Cu (2583 xal) və hindistanlı Humpi Koneru (2580 xal) ən güclü şahmatçı qadınların reytinq siyahısında ilk üçlükdə yer alıblar.

Digər Xəbərlər
Xəbər Lenti