Amerikalı qrossmeyster Fabiano Karuana Norveçin Stavanqer şəhərində keçirilən şahmat üzrə superturnirin qalibi olub.
“Sportinfo.az xəbər verir ki, Karuana sonuncu turda həmyerlisi Uensli So üzərində qələbə qazanıb.
Rusiyalı şahmatçı Sergey Karyakin Vişvanatan Ananda uduzub, fransalı Maksim Vaşye-Laqrav norveçli Maqnus Karlsenlə, erməni Levon Aronyan isə amerikalı Hikaru Nakamura ilə heç-heçə edib.
Azərbaycanlı Şəhriyar Məmmədyarov cümə axşamı oynamayıb, çünki rəqibi Din Lijen zədə üzündə turniri tərk edib.
Karuana 5 xal toplayaraq turnir cədvəlində birinci yeri tutub. O, sözügedən superturnirdə qalib gələn ilk amerikalı olub.
İkinci yeri Karlsen, Nakamura və Anand (hərəyə 4,5 xal) tutub. Onların ardınca So, Aronyan (hər ikisi 4 xal), Məmmədyarov (3,5), Karyakin və Vaşye-Laqrav (3) qərarlaşıb.
.jpg)
.jpg)
