Şahmat üzrə Azərbaycanın kişi yığması Yunanıstanda keçirilən Avropa komanda çempionatında növbəti qələbəsini qazanıb.
Sportinfo.az xəbər verir ki, 7-ci turda komandamız Macarıstandan üstün olub – 3:1. Şəhriyar Məmmədyarov və Teymur Rəcəbov öz rəqibləri ilə heç-heçə oynayıblar, amma Arkadi Naydiç və Rauf Məmmədov qələbə qazanıblar.
7 turdan sonra Azərbaycanın 11 xalı var. Biz yalnız 12 xala malik olan Rusiyadan geri qalır və 2-ci yeri tuturuq. Çempionatın başa çatmasına isə iki tur qalıb.
