Hər iki azərbaycanlı mübarizəni dayandırdı - Çempionlar Turu

16 Mart 2021 01:10 Şahmat 1 130
Hər iki azərbaycanlı mübarizəni dayandırdı - Çempionlar Turu

Onlayn şahmat üzrə Çempionlar turunun 4-cü mərhələsi davam edir.

Sportinfo.az xəbər verir ki, dairəvi sistemlə keçirilən ilk mərhələyə son 5 turun qarşılaşmaları ilə yekun vurulub.

Yarışın 3-cü günündən sonra 1/4 finala yüksələn 8 şahmatçı bəlli olub. Azərbaycan təmsilçiləri Şəhriyar Məmmədyarovla Teymur Rəcəbov da mərhələdəki son 5 oyununu keçirib.

Şahmatçılarımız öz aralarında da münasibətlərini ayırd edib. XIII turun görüşündə qalib müəyyənləşməyib.

Teymur və Şəhriyar hərəsi günü 2,5 xalla tamamlayıb. Yekunda Rəcəbov 7 xal toplayıbsa, Məmmədyarov 6,5 xalla kifayətlənib. Bu, onların “səkkizlik”dən kənar qalması və 4-cü mərhələ ilə vidalaşması ilə yekunlaşıb.

15 mart
XI tur

Şəhriyar Məmmədyarov - Yan Nepomnyaşi (Rusiya) - 0:1
David Anton (İspaniya) - Teymur Rəcəbov - 0:1

XII tur
Sergey Karyakin (Rusiya) - Şəhriyar Məmmədyarov - 0:1
Teymur Rəcəbov - Nils Qrandelius (İsveç) - 0,5:0,5

XIII tur
Şəhriyar Məmmədyarov - Teymur Rəcəbov - 0,5:0,5

XIV tur
Alan Pişo (Argentina) - Şəhriyar Məmmədyarov - 0,5:0,5
Teymur Rəcəbov - Yan Nepomnyaşi (Rusiya) - 0,5:0,5

XV tur
Şəhriyar Məmmədyarov - Uesli So (ABŞ) - 0,5:0,5
Sergey Karyakin (Rusiya) - Teymur Rəcəbov - 0:1

1-ci mərhələnin turnir cədvəli: 1. Maqnus Karlsen (Norveç) – 10,5 xal, 2. Aniş Giri (Niderland) – 10, 3. Uesli So (ABŞ) – 9,5, ...11. Teymur Rəcəbov (Azərbaycan) – 7, 12. Şəhriyar Məmmədyarov (Azərbaycan) – 6,5

Xəbər Lenti