Elşad Əhmədovun istefasından sonra baş məşqçi postu boş qalan "Sabah"ın Suat Kaya ilə danışıq apardığını yazmışdıq. Tərəflər arasında menecerlər səviyyəsində ilkin söhbət olmuşdu. Hətta "Qalatasaray"ın əfsanəvi futbolçusu saytımıza müsahibəsində Bakıya gəlməyə hazır olduğunu bildirmişdi.
Məsələnin nə yerdə qaldığını dəqiqləşdirmək üçün yenidən türkiyəli mütəxəssislə əlaqə saxladıq.
52 yaşlı məşqçi Sportinfo.az-a açıqlamasında "Sabah"dan xəbər çıxmadığını söylədi:
"Sabah"la menecerim danışıq aparırdı. Mənimlə hər hansı söhbət olmayıb. Mən də sizin kimi cavab gözləyirəm. Hazırda heç bir məlumatım yoxdur. Nəsə bilsəm, sizə də deyəcəm".