Milli komandanın oyunları ilə bağlı Premyer Liqada yaranmış fasilədə "Sabah" doğma meydanda "Qəbələ" ilə yoxlama matçına çıxıb.
Qonaqların 2:0 hesablı qələbəsi ilə bitən qarşılaşmada Krunoslav Renduliç yeni legionerin xidmətindən istifadə edib.
Söhbət nigeriyalı hücumçu Oluvaseun Timilehindən gedir.
Xorvatiyalı mütəxəssis gənc futbolçuya ikinci yarıda şans verib.
Afrikalı ötən yay perespektivli gənc kimi Nigeriyanın "Dino Sportinq" klubundan "Sabah"a cəlb olunub.
Amma 18 yaşlı legioner ilk dəfə "Qəbələ"yə qarşı sınaq matçında əsas komandada şans qazanıb.
O, arxada qalan müddətdə əvəzedici və U-19 komandalarında meydana çıxıb.
XANOĞLAN / SPORTİNFO.AZ