"Sabah"ın futbolçusu Vinsent Till əməliyyat olunub.
Bu barədə Sportinfo.az-a paytaxt təmsilçisinin mətbuat xidmətindən məlumat verilib.
Lüksemburqdan olan 24 yaşlı yarımmüdafiəçi ölkəsindəki klinikalardan birində cərrahi müdaxiləyə ehtiyac duyub.
O, dizindəki çarpaz bağlardan əməliyyat edilib.
vinsent Till 2023-cü ilin yayından "Sabah"da çıxış edir. 24 yaşlı vinger komandanın heyətində meydana çıxdığı 22 rəsmi matçda 2 qol və 3 məhsuldar ötürmə ilə yadda qalıb.
