“Sabah”ın sponsoru “Bakupan”la birlikdə, komandanın ev oyunlarını keçirdiyi “Bank Respublika Arena”nın ərazisində sahibsiz itlərə evciklərin quraşdırılması ilə bağlı həyata keçirilən layihə ABŞ-nin Nyu-York şəhərinin məşhur “Times Square” meydanında yayımlanıb.
Sportinfo.az xəbər verir ki, bu barədə klubun mətbuat xidməti məlumat yayıb.
“Sabah”ın ev oyunlarını keçirdiyi “Bank Respublika Arena”nın ətrafında yaşayan sahibsiz itlər üçün stadionun ərazisində evciklər quraşdırılıb.
Klubun həkimi Rəhim Məhərrəmov stadionunun ətrafındakı sahibsiz heyvanlara qayğı göstərir, komandanın üzvləri ilə birlikdə onları qidalandırır.
