"Sabah" Azərbaycan Premyer Liqasının 13-cü turunda səfərdə "Turan Tovuz"u 3:2 hesabı ilə məğlub edib.
Sportinfo.az xəbər verir ki, Masazır təmsilçisinin baş məşqçisi Murad Musayev matçdan sonra keçirilən mətbuat konfransında jurnalistlərin suallarını cavablandırıb:
- Bu gün çox yaxşı oyun gördük. Hər iki komanda hücum edirdi. Gərgin matç izlədik. Hər iki tərəf qələbə qazana bilərdi. Komandam xarakter göstərdi. Çox vacib qələbə qazandıq.
- Davit Volkov bu gün coşdu. Epah cəzalanmalı idi ki, ona start heyətdə şans verəsiz?
- David həmişə qolçu keyfiyyətlərini göstərir. O yaxşı məşq edir. Heç vaxt həvəsdən düşmür. Milli komandaya yaxşı əhvalda gedəcək.
- Nicat Mehbalıyev sizə müsbət siqnal verdi?
- İlk oyunda qələbə qazanması çox önəmlidir. Onu təbrik edirəm.
- İki ardıcıl qələbə qazanmağınıza nə mane olur?
- Əvvəlki matçda hakimin qeyri-peşəkarlığı imkan vermədi. Razıyam, stabil deyilik, bəzi matçlarda yaxşı çıxış etməmişik. Bunun üzərində işləyəcəyik.
