.jpg)
"Hazırda komandada yüklənmə çoxdur".
Sportinfo.az xəbər verir ki, bu sözləri "Çayka"nın yeni transferi Sergey Şarov klubun rəsmi saytına müsahibəsində deyib. İki gün öncə Antalyada "Qəbələ"yə 0:3 hesabı ilə uduzduqları yoxlama oyununu şərh edən rusiyalı yarımmüdafiəçi məğlubiyyətinin səbəbini açıqlayıb:
"Rəqib bizi sürət baxımından üstələdi. Onlar daha "diri" görünürdü. Toplanışda ilk matçlar hər zaman çətin alınır. Əlbəttə, uduzmaq xoş deyil. Amma işə hələ yenicə başlamışıq. Azarkeşləri əmin etmək istəyirəm ki, tezliklə onlar bizim də qələbələrimizi görəcəklər".
Şarov komandanın kapitanı Vladislav Dubovoyun zədələndiyi epizod haqda da danışıb: "Rəqibin kobud və düşüncəsiz hərəkəti Vladın ağır zədə almasına səbəb oldu. Çox xoşagəlməz vəziyyətdir. Bütün komanda kapitanın sağlamlığına görə narahatdır və ona tezliklə sağalmasını arzulayır".
.jpg)
