“Qəbələ” yaxınlarda üzləşdiyi problemi həll edə bilib.
Bu haqda Sportinfo.az-a klubun mətbuat xidmətinin rəhbəri Anar Hacıyev məlumat verib.
Onun sözlərinə görə, komanda iyulun 3-də Türkiyəyə yollanacaq və Boludakı “Termal” otelində məskunlaşacaq.
Ayın 13-dək davam edəcək hazırlıq çərçivəsində 2 yoxlama matçı keçiriləcək. İyulun 5-də Türkiyənin “Qaziantep”, 12-də Rumıniyanın “Çiksereda” klubu ilə qarşılaşacaqlar.
“Qırmızı-qartallar” qardaş ölkədən birbaşa Macarıstana yollanacaq və iyulun 22-də vətənə dönəcək.
Problem onda idi ki, “Qəbələ“ təyyarə biletlərinin və bron etdiyi otel pulunu ödəyə bilmirdi.
Hər iki tərəf bununla bağlı kluba xəbərdarlıq eləmişdi. Bölgə təmsilçisi AFFA və sponsorları ilə danışıqlar aparandan sonra lazım olan vasait toplanıb.