“Bu komanda son mövsümdə nəyə qadir olduğunu ortaya qoydu”.
Bu sözləri Sportinfo.az-a açıqlamasında “Qəbələ”nin yeni transferi Səlahət Ağayev deyib.
“Sabah”ı əyalət klubuna dəyişən və 1 illik müqavilə imzalayan “əlcək sahibi” əməkdaşımızın “Qəbələ”dəki çıxışından nə gözləyirsən və ya azarkeşlər səndən nə gözləsin” sualını bu cür cavablandırıb:
“Kənardan baxanlar da komandanın maraqlı və mübariz oyun sərgilədiyini deyirdi. Mən də bura kollektivə kömək etmək üçün gəlmişəm.
Əlimdən nə gəlirsə, ən yaxşısını etməyə çalışacam. İnşallah, avrokuboklarda, heç olmasa, iki mərhələ adlamağı bacararıq. Təki uyğun rəqiblər olsun”.