Azərbaycan Premyer Liqasını 4-cü pillədə başa vuran "Qəbələ" ölkəmizi Konfrans Liqasında təmsil etmək hüququna yiyələnmiş oldu.
Burada rəqib Macarıstanın "Fehervar" klubudur. Komanda ilk matçını iyulun 21-i səfərdə keçirəcək. 1 həftə sonra isə rəqib cavab görüşü üçün ölkəmizə səfər edəcək.
Maraqlıdır, bəs "qırmızı qaralar" ev matçını hansı arenada keçirəcək?
Bilirik ki, avrokuboklar zamanı komanda adətən "Dalğa arena" və "Baksel arena"nın xidmətindən istifadə edib. Bəs macarlarla qarşılaşmanın harada keçirilməsi dəqiqləşibmi?
Əlaqə saxladığımız mətbuat xidmətinin rəhbəri Anar Hacıyev saytımıza açıqlamasında "Fehervar"la cavab qarşılaşmasının Qəbələ şəhər stadionunda keçiriləcəyinin dəqiqləşdiyini bildirib.
XANOĞLAN / SPORTİNFO.AZ