Ötən ilin sentyabrından “Qəbələ”nin formasını geyinən Omar Hani gələn mövsümü də burada keçirəcək.
Bu barədə Sportinfo.az-a əyalət təmsilçisindən məlumat verilib.
Bildirilib ki, iordaniyalı legionerlə bağlanmış 1+1 illik müqavilənin ikinci hissəsi qüvvəyə minib. “Qırmızı-qaralar” aylıq ödənişləri artırmaq şərti ilə 23 yaşlı cinah yarımmüdafiəçisini karyerasını Azərbaycanda davam etdirməyə razı salıb.
Peşəkar karyerasına vətənində başlayan Omarın ilk klubu "Əl-Faysali" olub. 2019-cu ildə Kipr təmsilçisi APOEL-ə keçib.
2019-21-ci illərdə bu komandanın şərəfini qoruyan Hani 2020-21-ci illərdə icarə əsasında Nikosiya “Olimpiakos”sunda da çıxış edib.
İordaniyanın U-19 və U-23 komandalarının formasını geyinmiş yarımmüdafiəçi əsas yığmada 1 oyun keçirib.
