.jpg)
“Biz onun burada qalmasını istəyirik, təklifimizi də etmişik”.
Bu sözləri Sportinfo.az-a açıqlamasında “Qəbələ”nin baş məşqçisi Elmar Baxşıyev deyib.
Fernan Lopes «Qəbələ»də qalıb-qalmayacağına hələ qərar verməyib.
Bu ilin əvvəlində keçmiş klubuna dönən 26 yaşlı ispaniyalı yarımmüdafiəçinin mövsümün sonuna qədər nəzərdə tutulmuş müqaviləsi başa çatıb.
Legionerə birillik yeni sözləşmə təklif olunub, o isə bir müddət gözləməyi xahiş edib.
İş ondadır ki, Fernanın sevgilisi onun karyerasını Avropada davam elətdirməsini istəyir. Orta sahə oyunçusu onunla məsləhətləşdikdən sonra yekun sözünü deyəcək.
Fernan 2019/20 mövsümündə də “Qəbələ”nin heyətində çıxış edib. O, burada keçirdiyi 22 oyunda 3 qol vurub. “Selta”nin yetirməsi 2011-14-cü illərdə bu klubun B komandasında oynayıb.
O, karyerası ərzində “Kompostela”, “Çoko”, “Ximnastika Seqoviana” və, “Barakaldo”nın da formasını geyinib.
2020/21 mövsümündə “Yagelloniya”da çıxış edib. Polşa təmsilçisində 11 matçda şans qazanıb.
E.Baxşıyev: “Fernan ailədaxili məsələlərə görə hələ bizə son sözünü deməyib. Deyəsən, yaxınları ilə məsləhətləşir.
Bilmirəm, bəlkə də başqa təklifləri var. Yaxın günlərdə ondan cavab gəlməlidir”.
.jpg)
