"Avrokuboklarda təcrübə mütləqdir".
Bu sözləri Sportinfo.az-a açıqlamasında "Qəbələ"nin kapitanı Asif Məmmədov deyib.
Yarımmüdafiəçi "bu komanda ilə Konfrans Liqasında nə qədər irəli getmək mümkündür" sualını bu cür cavablandırıb:
"Döyüşkən və mübariz komandamız var. Amma bir qədər güclənməliyik. 1-2 futbolçu gəlsə, fikrimcə, Azərbaycanı və Qəbələni layiqincə təmsil edə bilərik.
Çempionatda necə can qoyuruqsa, orada da elə olacaq, buna əmin ola bilərsiz. Avrokuboklara vəsiqə qazanmaq istəyimiz də buna görə idi.
2 il avrokuboklardan kənar qaldıq, Avropa üçün darıxmışıq".
