"Zədəli halda oyunlara çıxmağım həm komandaya kömək etmək istəyim, həm də baş məşqçimizin mənə göstərdiyi etimaddan irəli gəlirdi".
Bu sözləri Sportinfo.az-a açıqlamasında "Qəbələ"nin kapitanı Ürfan Abbasov deyib.
Hazırda müdafiəçinin durumu heç də yaxşı deyil. Premyer Liqanın son turlarında zədəli-zədəli meydançaya çıxan müdafiəçi əməliyyata hazırlaşır.
Problem onun dizində – xaçvari bağlarının qopmasından qaynaqlanır. Bu səbəbdən Konfrans Liqasında komandasına kömək edə bilməyəcəyi gözlənilir.
Bu mövsüm 25 oyunda meydana çıxan 29 yaşlı futbolçu 1 qol və 2 asistlə yadda qalıb.
Abbasov baş məşqçi Elmar Baxşıyevin mətbuata açıqlamasında onun haqda "heç kim belə etməzdi" deməsinə münasibət bildirib:
"Şükürlər olsun ki, istədiyimiz nəticəni qazana bildik. "Qəbələ"nin karyeramda önəmli yer tutur. Bacardığım qədər komandaya kömək etməyə hazıram".