.jpg)
“Sumqayıt” rəhbərliyinin verdiyi qərar “Qəbələ”nin futbolçuları tərəfindən böyük sevinclə qarşılanıb.
Məsələ ondadır ki, Premyer Liqanın 27-ci turunda «Sabah»la Masazırda 2:2 hesablı bərabərliyə imza atan «kimyaçılar» 30 min manatı qəbul etməkdən son anda vaz keçib.
Söhbət «Qəbələ»nin onları stimullaşdırmaq üçün təklif elədiyi məbləğdən gedir. Belə ki, «qırmızı-qaralar» avrokuboklar yolunda əsas rəqibi olan «Sabah»a ciddi müqavimət göstərməsi müqabilində «Sumqayıt»lılara bu qədər mükafat vəd verib.
Danışıqlar futbolçular səviyyəsində gedib. Razılaşmaya əsasən, ayrılan vəsait bu gün qarşı tərəfə çatmalıymış.
Saytımız bu haqda xəbəri tirajlayandan sonra hərəkətə keçən «Sumiqayıt» rəhbərliyi araşdırma aparıb və yazdıqlarımızın doğruluğunu öyrənib.
Bununla da kifayətlənməyən rəsmilər oyunçularla söhbət edərək, qazanılan 1 xala görə “Qəbələ”nin puluna ehtiyac olmadığını bildiriblər.
“Qırmızı-qaralar”ın rəhbərliyi Konfrans Liqasına vəsiqə qazanmasına görə kollektivə 200 min manata mükafat vəd edib.
Demə, “Sumqayıt”a çatdırılması nəzərdə tutulan 30000 manat ümumi fondan veriləcəkmiş. İndi isə 200 min komanda üzvləri arasında bölüşdürüləcək.
Əsas heyət üzvlərinin hər birinə 8000 manat ödəniləcək.
SPORTİNFO.AZ
.jpg)
