Dünən Premyer Liqada 27-ci turun oyunları keçirildi və avrokubokların növbəti mövsümündə iştirak edəcək bütün klubların adlarına aydınlıq gəldi.
Bu tura kimi iddiasını sürdürən «Sabah» gözlənilmədən Masazırda 2 xal itirdi.
«Sumqayıt»ı qonaq eləyən «tələbələr» son dəqiqələrdə vurduğu qollarla yalnız 1 xal qazana bildi. Onların əsas rəqibi «Qəbələ» isə Şamaxıda eyniadlı komandaya 1:0 hesabıyla qalib gəlməklə, qitə arenasına çıxışını rəsmiləşdirdi.
«Qırmızı-qaralar» Konfrans Liqasına vəsiqə qazanmaq üçün ənənəvi yola əl atıb. Bölgə klubu «Sumqayıt»ı stimullaşdırıb.
«Sabah»a qarşı daha ciddi müqavimət göstərmək üçün «gənclik şəhəri» təmsilçisinə mükafat vəd ediblər və sonda verdikləri sözü yerinə yetiribər. Bu məqsədlə «kimyaçılar»a 30 min manat ödənilib.
SPORTİNFO.AZ
.jpg)
.jpg)
