"Qəbələ" ilə yeni müqavilə imzalayan Ruan Renato instaqramda paylaşım edib.
Sportinfo.az xəbər verir ki, braziliyalı müdafiəçi xoşbəxt və motivasiyalı olduğunu bildirib:
"Çox xoşbəxtəm və növbəti mövsümlər üçün ailəmlə birlikdə daha motivasiyalıyam".
28 yaşlı futbolçu "qırmızı-qaralar"la müqaviləsini 2023-cü ilin yayına qədər artırıb. O, 2021-ci ilin avqustundan "Qəbələ"də çıxış edir və 23 matçda 2 qol vurub.
Onun buna kimi son klubu Braziliya təmsilçisi “Ponte Preta” olub.
O, daha öncə vətənində “Santa Rita” (2015), “Quaratinqueta” (2015-18), “Yuventud” (2016-17, icarə əsasında), “Vitoriya” (2018-20), “Fiqueyrense” (2019, icarə əsasında), “Botafoqo” (2020, icarə əsasında), həmçinin Avstriyanın “Austriya” (2017-18, icarə əsasında) klublarında da çıxış edib.
