«Qəbələ»nin cari mövsüm göstərdiyi oyun və qazandığı nəticələr Tale Heydərovun kluba münasibətini müsbət mənada dəyişib.
2019-cu ilin yazında «qırmızı-qaralar»ın prezidenti postunedan istefa verən və fəxri prezident statusu ilə kölgəyə çəkilən iş adamı artıq komandayla yaxından maraqlanmağa başlayıb.
Fövqəladə hallar naziri Kəmaləddin Heydərovun oğlunun qış fasiləsində əlavə transfer büdcəsi ayıracağına dair yeni məlumat almışıq.
Redaksiyamıza daxil olan informasiyaya görə, bu, əyalət təmsilçisinin həmin dövrədək avrokuboklar iddiasını qoruyub-qorumamasından asılıdır.
«Qəbələ» 10 turdan sonra 18 xala malikdir və turnir cədvəlində 2-ci pilləni tutur. «Zirə»ni 1 xal qabaqlayan bölgə komandası ötən həftələr ərzində 5 qələbə qazanıb, 1 heç-heçə edib və 2 dəfə uduzub.
SPORTİNFO.AZ