"Qəbələ"nin zədəli futbolçusu Yaovi Akakponun bu gün Ukraynada əməliyyat olunması planlaşdırılırdı. Amma bu baş tutmayacaq.
Sportinfo.az-ın məlumatına görə, buna səbəb futbolçununun vizası ilə bağlı problemin yaranmasıdır.
Bunda nə klub, nə də futbolçu günahkardır. Ukrayna səfirliyindən kluba bildirilib ki, sistemdə problem var və çox qısa müddətdə bunun həll olunacağına söz verilib.
21 yaşlı yarımmüdafiəçi "Səbail"ə qarşı keçirdikləri Azərbaycan Premyer Liqasının IV tur oyununda ciddi xəsarət alıb. 50-ci dəqiqədə meydanı xərəkdə tərk edən Afrikalı futbolçunu iordaniyalı Omar Hani əvəzləmişdi.
