"Qəbələ" qış fasiləsində ən azı 1 yeni transfer etmək istəyir.
Sportinfo.az xəbər verir ki, bu barədə klubun prezidenti Fariz Nəcəfov bildirib:
"Baş məşqçi ilə danışmışıq. Bilirsiz ki, Rodriqo Qattas da komandanı tərk edib. Ceyms Adeniyinin gedişindən sonra mütləq şəkildə bir futbolçu götürmək ehtiyacı yaranacaq. Hücumameylli futbolçu axtarırıq".
Nəcəfov komanda avrokuboklara vəsiqə qazanacağı təqdirdə, mümkün büdcə artımının olub-olmayacağı ilə bağlı suala bu cür cavab verib: "Bu barədə heç nə deyə bilmərəm. Gərək, nəsə olsun ki, ətraflı danışaq. Hazırda heç bir təklif yoxdur".