"Qəbələ" ilə yollarını ayırmağa hazırlaşan Ceyms Adeniyinin yeni klubu müəyyənləşib.
Sportinfo.az "sport5.co.il" nəşrinə istinadən xəbər verir ki, nigeriyalı hücumçu İsrailin "Hapoel" (Kiryat-Şimona) klubu ilə anlaşıb.
Hazırda klublar arasında keçidin son detalları müzakirə olunur. 29 yaşlı forvardın qısa zamanda İsrailə uçacağı və Kiryat-Şimona təmsilçisinə qoşulacağı bildirilib.
Müqavilənin detalları barədə əlavə məlumat verilməyib.
2019/2020 mövsümünü icarə əsasında "Hapoel"də keçirmiş Adeniyinin "Qəbələ" ilə bu ilin yayınadək sözləşməsi var.
.jpg)
