"Elmar Baxşıyevin maaşı mətbuatda yazılan rəqəmin yarısı da deyil".
"Qəbələ"nin baş meneceri Zaur Əzizov Sportinfo.az-a açıqlamasında belə deyib.
Klub rəsmisi baş məşqçi E.Baxışyevin əməkhaqqısının 8000 dollar olmasıyla bağlı mediada yayılan xəbərlərin həqiqəti əks etdirmədiyini söyləyib:
Sitat:
"Onun məvacibi göstərilən rəqəmin yarısından da aşağıdır. Hətta 3-5 manat yox, daha azdır. Yazılan rəqəmin, yəqin ki, heç 30-40%in təşkil eləmir.
Elmar müəlim uzun illərdir klubumuzda çalışır və öz işini sevərək görür. Biz ona inanırıq. Komandanın sərgilədiyi oyun da gələcəyə nikbin baxmağa əsas verir".
