"Ceyms Adeniyinin müqavilə şərtlərini yerinə yetirməklə bağlı bir balaca çətinlik yaşayırıq.
Amma hazırda onunla bağlı "Neftçi"dən bizə hələlik heç bir rəsmi təklif gəlməyib".
Bu sözləri Sportinfo.az-a "Qəbələ"nin baş meneceri Zaur Əzizov deyib.
Klub rəsmisi nigeriyalı hücumçuya görə şifahi danışıq apardıqları klubun olmasını dilə gətirib: "Yerli yox, amma şifahi olaraq bir Belarus klubu onunla maraqlanırdı".
O, komandada kiminsə getməsinin gözlənilmədiyini və yeni transferlərin də Adeniyinin durumuna bağlı olduğunu bildirib:
"Həm "Qəbələ"ni, həm də Ceymsi razı salan bir təklif olmasa, o, məcburən komandada qalacaq. Hansı şəkildə razılaşacağıq, o artıq danışılacaq.
İndiki məqamda gələn təklifləri dəyərləndirməklə məşğul olacağıq".
