“Qarabağ”ın yarımmüdafiəçisi Coni Montiel komandasının Çempionlar Liqasının pley-off mərhələsində “Nyukasl”a (1:6, 2:3) məğlubiyyətdən sonra sosial şəbəkədə fikirlərini bölüşüb.
Sportinfo.az xəbər verir ki, ispaniyalı legioner instaqramda komandasının çıxışı haqda bunları yazıb:
“Çempionlar Liqasını başımız uca tərk edirik. Dünyanın ən yaxşı klubları və ən yaxşı oyunçuları ilə yarışırdıq.
Birlikdə vacib bir şeyə nail olduq. Bura qayıtmaq üçün mübarizə aparacağıq.
İndi qarşıda bizi nələrin gözlədiyinə diqqət yetirməliyik”.
