"Qarabağ"ın kapitanı Abdullah Zubir Çempionlar Liqasının pley-off mərhələsinin "Nyukasl"la cavab oyunu barədə danışıb.
Sportinfo.az xəbər verir ki, sözügedən matçda Ağdam təmsilçisi 2:3 hesabı ilə uduzub.
Bu komandalar arasında ilk oyunda da "Nyukasl" qələbə qazanmışdı (6:1). Beləliklə, İngiltərə təmsilçisi 1/8 finala adlayıb, ÇL-də uğurlu mövsüm keçirən "Qarabağ" isə turnirlə vidalaşıb.
34 yaşlı hücumameyilli yarımmüdafiəçi komandasının bu qarşılaşmada yaxşı çıxış etdiyini deyib:
"Düşünürəm ki, ilk oyunla cavab matçı fərqli idi. İlk oyunda yaxşı deyildik.
Amma bu gecə yaxşı futbol sərgiləmək və əsl "Qarabağ"ı göstərmək istədik. Düşünürəm ki, bunu bacardıq".
