"Qarabağ" UEFA tərəfindən təxminən 65.8 milyon manat vəsait əldə edib.
Sportinfo.az xəbər verir ki, bu barədə gənclər və idman naziri Fərid Qayıbov özünün "X" hesabında məlumat paylaşıb.
"UEFA həmrəylik mexanizmi çərçivəsində Azərbaycan Premyer Liqasında çıxış edən digər klublarımızın hər biri təxminən 1.6 milyon manat əlavə vəsait qazanacaq", - o qeyd edib.
Fərid Qayıbovun sözlərinə görə, "Qarabağ" ölkəmizdə real potensialı olan idman iqtisadiyyatına mühüm töhfə verib.
