"Qarabağ"ın Sambu Sumanonu sıralarına qatması çətinləşib.
Buna səbəb "Loryen"in 24 yaşlı hücumçu ilə mövsümün sonunda başa çatan müqaviləni uzatmaq yönündə razılığa gəlməsidir.
Afrikalı cari mövsüm ərzində Liqa 1-də meydana çıxdığı 14 oyunda 4 qol və 2 məhsuldar ötürmə müəllifi olub.
"Qarabağ" ötən yay Sambu Sumanonu heyətinə qatmağa yaxın idi.
Ağdam təmsilçisi onun özü ilə 3+1 illik müqaviləni razılaşdırmış, lakin "Loryen" son anda fikrini dəyişərək, qolçusunu satmaqdan imtina etmişdi.
Seneqallını 2026-cı ilin yanvarında Azərbaycana gətirmək mümkün olsa, o, "Qarabağ"ın ən bahalı transferi kimi adını tarixə yazdıracaq.
"Köhlən atlar" onun keçidini gerçəkləşdirmək üçün Fransa klubuna 2 milyon avro təklif edib.
Çempionlar Liqasındakı təmsilçimiz Sumanonun sonoakı satışından da "Loryen"a 20 faiz ödəməyə hazırdır.
Vəziyyət indi bir qədər də mürəkkəbləşib. "Loryen" hücumçunu 5 milyon avrodan aşağı satmayacağı barədə "Qarabağ"ı məlumatlandırıb.
Eyni zamanda, bildirilib ki, afrikalının müştəriləri çoxdur, odur ki, təzminat məbləğində onlardan güzəşt gözləməyə dəyməz.
SPORTİNFO.AZ
.png)
.jpg)
.png)
