"Bəlkə ilk baxışdan çoxlarına təəccüblü gələr, amma "Qarabağ" Premyer Liqada gənclərə (gənc oyunçu limitinə uyğun gələnlərə) ən çox şans verən klublardandır".
Sportinfo.az xəbər verir ki, bu sözlər futbol eksperti Emin Abbasova məxsusdur.
O, "CBC Sport"un efirində bildirib ki, Beynəlxalq Araşdırmalar Mərkəzinin açıqladığı siyahıda birinci "Qəbələ"dirsə, ikinci Qurban Qurbanovun komandasıdır:
"Çempionluq üçün mübarizə aparan komandanın gənclərə güvənməsi sıradan məsələ deyil.
Müqayisə üçün deyək ki, "Qarabağ"ın çempionluq mübarizəsində əsas rəqibi olan "Neftçi" gənclərə etimad siyahısında altıncı yerdədir".