"Veqas"ın qapıçısı Robin Lehnerin başına inanılmaz hadisə gəlib.

Onun ilan biznesində əli gətirməyib və bu səbəbdən özünü iflas elan edib.

Xokkeyçi və həyat yoldaşı keçən il dekabrın 30-da müvafiq ərizə yazıblar.

İsveçlinin aktivlərinin dəyəri 1-10 milyon dollar, kreditorlar qarşısındakı öhdəlikləri isə 10-50 milyon dollar arasında dəyişir.

İflas ərizəsində Lehnerin borclarının ilk növbədə biznes və investisiyalarla bağlı olduğu iddia edilir.

Lehner sənədlərdə sürünənlər, xüsusən də ilan ferması ilə məşğul olan «RL Exotics» MMC-nin sahibi kimi göstərilir.

Bildirilir ki, bu, sürünənlərin saxlanması və qidalanması xərclərini tələb edən 3 işçisi ilə əlaqəli bir işdir.

2017-ci ildə qapıçı 1,2 milyon dollarlıq ekzotik ilan kolleksiyasını hissə-hissə alıb. Elə həmin il onun keçmiş sahibi Ben Renik buna görə 16 il həbs cəzasına məhkum edilmiş öz həyat yoldaşı tərəfindən öldürülüb.

Bundan sonra Lehner və Renik Reptiles bir-birlərini məhkəməyə veriblər.

Şirkət xokkeyçinin ilanların pulunu ödəməyi dayandırdığını, oyunçunun vəkilləri isə onların saxlanması üçün milyonlar xərclədiyini iddia edib. Eyni zamanda,

Renikin ölümündən sonra ilanların nəzarətsiz şəkildə çoxalmağa başladığı iddia edilir ki, bu da kolleksiyanın dəyərinin azalmasına səbəb olub. 2019-cu ildə tərəflər barışıq sazişi bağlayıblar.

İflas ərizəsində potensial maraqlı tərəflər arasında «Veqas», NHL və maliyyə şirkəti «Sur Sports Lendinq», «Edmonton»un forvardı Evander Keynin iflası ilə məşğul olmaq üçün təyin edilmiş qəyyum tərəfindən məhkəməyə verilmiş eyni şirkət var.

Lehner 2010-cu ildən NHL-də oynayır. Liqada çıxış etdiyi müddətdə o, ümumilikdə 30,2 milyon dollar qazanıb.

2018-ci ildə isveçli qapıçıya bipolyar pozğunluq diaqnozu qoyulmuşdu. Keçən yay onun omba əməliyyatı keçdiyi üçün cari mövsümü tamamilə buraxacağı məlum olub.

Onun orta illik əməkhaqqısı 5 milyon dollar olan müqaviləsi 2024/25 mövsümünün sonuna qədər davam edəcək.

SPORTİNFO.AZ