"Atalanta"nın yarımmüdafiəçisi Ruslan Malinovski "Zenit"in çalışdırıcısı Anatoli Timoşşuk haqda fikirlərini bölüşüb.
Sportinfo.az xəbər verir ki, Malinovski Rusiya işğalına münasibət bildirməyən, Sankt-Peterburqu tərk etməyən Timoşşuku sərt tənqid edib:
“Uşaqların Rusiya klublarını tərk etməsi doğrudur. Timoşşuka gəlincə, onun davranışı qəribədir. Mən onun mövqeyini izah edə bilmərəm. Öz fikrim isə belədir: susan səhvdir.
Bundan sonra necə yaşayacağını bilmirəm. Amma onun artıq Ukrayna futbolunun əfsanəsi olmadığı dəqiqdir”.
