«Neftçi»nin yeni baş məşqçisi Yuri Vernidub klub rəhbərliyini təəccübləndirb.
Dekabrın 9-da 1,5 illik müqaviləyə imza atmış ukraynalı onun üçün Bakının mərkəzində kirayələnmiş mənzilə köçməkdən imtina edib.
59 yaşlı mütəxəssis həmçinin gündəlik xidmət üçün nəzərdə tutulmuş maşına ehtiyac duymayıb.
Təcrübəli sükançı bildirib ki, o və köməkçiləri klubu artıq xərcə salmaq fikrində deyil - onlar Bakıxanov qəsəbəsində yerləşən bazada qalacaqlar.
Vernidub deyib ki, hazırda komandada işləri kifayət qədər çoxdur, harasa getməyə, istirahət etməyə vaxtları yoxdur.
Bir zamanlar «Şerif» ilə Çempionlar Liqasının həyacanını yaşamış məşqçi qeyd edib ki, bazada hər cür şərait mövcuddur və «Neftçi» rəhbərliyinin qayğısı ona kifayətdir.
SPORTİNFO.AZ
