“Fərdi şəkildə ciddi fərq yoxdur”.
Bu sözləri Sportinfo.az-a açıqlamasında “Neftçi”nin müdafiəçisi Falaye Sakonun qardaşı Mohammed Sako (Momo) deyib.
I Liqada mübarizə aparan “Səbail”ın formasını geyinən yarımmüdafiəçi vaxtilə çıxış etdiyi Portuqaliya çempionatını və Azərbaycan birinciliyi ilə müqayisə edib:
“Azərbaycanda fərdi bacarığı yüksək olan kifayət qədər potensiallı oyunçular görürəm. Onların texniki bacarıqlarına əsasən deyərdim ki, asanlıqla Portuqaliyada oynaya bilərlər.
Əsas fərq azərbaycanlı və protuqaliyalı futbolçuların taktika anlayışında və inkişaf strategiyasındadır”.
