“Neftçi” – “Turan Tovuz” matçının yekununda qələbəyə sevinən tərəf qonaqlar oldu.
Premyer Liqanın 3-cü turu çərçivəsində baş tutan görüşdə bölgə təmsilçisi Roberto Olabenin vurduğu qol sayəsində növbəti 3 xalı aktivinə yazdı.
Oyun ərzində yeganə gərginlik yaşanan epizod meydan sahiblərinin üzvü İqor Ribeyronun rəqib futbolçu Faiq Hacıyevin üzünə zərbə endirirək qırmızı vərəqə almasıydı.
Lakin 90 dəqiqənin tamamında heç kimin gözləmədiyi halda kiçik insident qaçılmaz oldu.
“Turan Tovuz”un ehtiyat oyunçular skamyasının arxasında yer alan azarkeşlərin meydana atdığı plastik qab Sadiq Şəfiyevə dəyincə, ara qızışdı.
Futbolçuyla tərəfdarlar arasında müəyyən gərginlik yaşanadı ki, azarkeşləri mühafizəçilər, Sadiqi isə komanda yoldaşları sakitləşdirdi.
Nəticədə mümkün insidentin qarşısı vaxtında alındı.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN
